जांजगीर चाम्पा जिले के खोखरा गांव के युवा कवि अनुभव तिवारी के व्दारा स्वरचित छत्तीसगढी व्यंग रचना की हो रही चारो तरफ चर्चा हास्य पुट से भरे छत्तीसगढी व्यंग से लोग हंस हंस कर हो रहे लोट पोट आप भी पढिए सेलफी के जमाना
*सेलफी के जमाना*
(हास्य व्यंग)
सेलफी के नवा जमाना आ गे
मनखे ल मुंह बनाना आ गे
घेरी घेरी आँखी ल बटेरत हे
जीभ ल लमा लमा गटेरत हे
जे जघा म जाही सेल्फी मारत हे
नइ हे हांसी तभो मुंह ल फारत हे
खात खात किलिक करत हे
मुंह के जघा कउर अँते झरत हे
बाह रे सेलफी के बीमारी
लेहे बर लगाए हे जमो पारी
मनटोरा कचरा सबे सेलफी मारत हे
छत्तीसगढ ल देख चीन घलौ कापत हे
गांव गंवई म सेलफी के क्रान्ति आए हे
छोकरा ले डोकरा सबे सेलफी म छाए हे
सियान मन गुडी के गोठ ल भूलागे
सेलफी के आघू म बीडी घलौ बुतागे
माखूर मलत घलौ सेलफी खिंचाही
फेसबुक इसटेटस म फोटो जमाही
जनम लेहे ले मरे तक के परकार होगे
सेलफी अब मनखे के संस्कार होगे
अइ बहाना हांसे के बहाना आ गे
सेलफी के नवा जमाना आ गे
स्वरचित …..
