इंदिरा गांधी पेंसन योजना मं माई लोगन मन बर सिरतो म जबड़ बिसवास के धरखन आए। ए योजना मं माई लोगन मन ल हर महिना एक निसचित पइसा तनखा अस पेंसन के रूप मं मिलथे, जेखर से माई लोगन मन अपन परिवार जन के पालन पोसन त करथेंच, फेर खुद मं आत्मनिर्भरता तको आए लगथे।
संगी हो, मनखे के जिनगी आपत-बिपत ले जूझत रइथे। अइसन बेरा मं मनखे के जिनगी मं कछु योजना ले सहारा मिलना जबड़ धरखन रइथे। पेंसन योजना माई लोगन बर एखरच भरोसा अउ सहारा बने हावे।
पेंसन योजना बर माई लोगन मन ल जरूरी कागज अपन पंचायत के सचिव अउ सरपंच करा जमा करे बर परथे। ओ मन ग्राम पंचायत के प्रस्ताव बनाके माई लोगन मन ल ए योजना मं जोड़े बर आगू बढ़ाथें।
महिला पात्र के चयन कइसे होथे?
ए योजना के लाभ पाय बर महिला पात्र के चैन कुछ आधार मं होथे –
उमर के आधार मं – साधारणतया 60 बछर ले ऊपर उमर के माई लोगन मन ला पेंशन योजना मं सामिल कर जाथे।
आय के आधार मं – गरीब, बीपीएल सूची मं दरज घर के माई लोगन मन पात्र ठहरथें।
समाजिक स्थिति के आधार मं – विधवा, परित्यक्ता अउ दिव्यांग माई लोगन मन ला विशेष प्राथमिकता मिलथे।
एखर बाद पंचायत सचिव अउ सरपंच मन आवेदन जाँच के बाद प्रस्ताव बना के आघू पठोथें, अउ फेर माई लोगन मन ल योजना मं पेंशन के पात्र मान के जोड़े जाथे।
